紫蝶花 (已結業)

紫久唔久我就想食新加坡菜，因为想饮肉骨茶。今日同朋友出开将军澳，揾到呢一间新加坡餐厅，二话不说冲入去试吓。当然首先我就叫个肉骨茶啦，淡淡的药材香味配上新鲜嘅排骨，唔单止好味仲对身体好有益。跟住我叫咗个椒盐软壳蟹，炸到劲松脆，但又能够锁住啲蟹肉汁，非常惹味！朋友想食咖喱，想有少少辣，店员就即时介绍咗青咖喱俾我哋，我哋拣咗猪肉。啲青咖喱汁唔算好辣，好啱香港人口味，啲猪颈肉份量亦都好足，真系劲满足！由于我哋唔想食饭，就叫左个特色手爪饼，用嚟点青咖喱汁食，真系一流。之后我哋叫咗个巴东牛肉𦟌，个汁又系劲好味，用手爪饼点嚟食又系一绝！最后叫个蒜蓉炒翡翠苗，提升一下身体摄取嘅纤维，个菜清淡得嚟、味道亦相当出色！总括来讲，呢餐我会俾佢100分。