名門私房菜

营业中

休息中

日日返工都食茶餐厅，今日放工约咗朋友想食好啲佢话试下呢间私房菜。上到去见佢环境几好，应该一定有水准。 老板好好招呼，我哋谂唔到食乜咁就叫佢发板。 首先来个杏汁猪肺汤，一饮就知系新鲜杏仁超浓郁第二度菜冰镇鲍鱼 仲有秘制酱汁白卤水再加日本清酒浸咗一日一夜。 可留到鲍鱼鲜味之余仲有咁清新嘅感觉。再黎黄金虾。咸蛋嘅比例落得啱啱好非常新鲜外脆内软啲虾膏爆晒出嚟芝士洋葱瑶柱焗蟹盖，第一次食呢个配搭好新颖，诚意推介俾大家砂锅豉油鸡，新鲜鸡浸得好嫩滑送白饭一流， 忍唔住食咗两碗，另外仲有个梅菜扒菜心最后食埋碗蛋白杏仁茶，为今晚画上完美句号。