黑門水產すいさん (棉登徑)

营业中

休息中

今日专程过嚟试下人气甲罗烧。餐厅位置喺尖沙咀市中心棉登径。无论系门面定系餐厅入面都装修得好有日本风情。黑门角切海鲜沙律除咗有新鲜嘅沙律菜之外，角切鱼生份量好多！食到底都继续有。深海薄切池鱼师傅刀工好犀利真系切到好薄，池鱼好新鲜冇腥味,反而有池鱼独有嘅回甘。海胆蟹味噌甲罗烧期待已久嘅甲罗烧，蟹壳上面有海胆，蟹子，鹌鹑蛋，蟹肉。哥哥好贴心畀你打完卡之后就会喺隔离开个炉帮你烧，佢慢慢喺个炉上面将佢搅匀，海胆捞埋蟹膏真系冇得输，仲要加埋蟹肉，配一块饼干畀你伴住食。每一啖都好似有上千只蟹喺你个口入面一样，真系好鲜，好蟹！推介。寿喜牛肉锅寿喜烧有一般配料芋丝，粉丝，冬菇，大葱，金菇菜，豆腐等。另外仲有一碟牛肉畀你慢慢自己煮。牛肉好大块又冇渣。另外我仲自己配对咗个乌冬捞埋啲寿喜烧汤汁一齐食！鲑鱼亲子丼三文鱼就当然好新鲜，铺满成个丼饭，上面仲有几片海胆，寿司饭系醋饭，估唔到咁大碟，可以两个人分嚟食！烧鸡皮叫咗一串烧鸡皮嚟食，非常脆口，啲肥膏已经烧晒所以一啲都唔肥！点解嚟讲环境坐得舒服，店员嘅服务都唔错，适合朋友聚会过嚟倾计。