添添

营业中

休息中

鸡地食街依旧昌旺，是晚同家人落添添食晚饭，一枱难求😂等左五分钟左右有枱，用qr code落单先，哎吔，好多晚餐都卖晒了，最后拣小炒转餐啦。⭐凉瓜斑腩煲本身叫凉瓜炆仓鱼晚餐，但落完单发觉卖晒，咁就转左凉瓜斑腩。个煲烧到好热，上枱时酱汁起晒泡泡，劲香呀🤤凉瓜爽口，鱼块嫩滑鲜味，加上酱汁香浓，劲好食㖞。⭐咖哩牛腩煲另一样叫左咖哩牛腩，上枱时同样热辣辣香喷喷。除左牛腩，仲有唔少三色椒同洋葱，牛腩软腍入味，配菜甜美，咖哩汁香口劲好下饭。⭐白饭一大碗够晒饱🍚⭐冻奶茶 & ⭐冻鸳鸯餐饮有得拣小小甜，啱口味㖞😋两个人二百蚊左右食饱饱，抵啦。