咖啡廳

营业中

休息中

寻日放工去左尖沙咀喜来登食自助餐，成人628一位加埋一700蚊，好似好贵咁但其实又真系好多野食架！先讲龙虾 佢切开一半 等你易拆啲 膏够多 肉有弹性长脚蟹我都唔知食左几多碟 超鲜甜！！！其实仲有面包蟹，个人认为面包蟹最好食最甜，正！呢个系南瓜汤，好好饮，好重南瓜味，个人喜好再加左啲盐，不过如果涩多少少就更好。 然后到生蚝，有美国同法野蚝，虽然比较细只，但味重，完全食到个种海水味！另外有烤虾同带子，要排队，不过抵排，因为真系香口好食！呢个系窝夫，自己装饰。甜品都好多野食，有唔同既朱古力，曲奇饼，有马卡龙、拿破仑、芝士蛋糕、红酒啫哩、泡芙、朱古力蛋糕、红桑子蛋糕等。雪糕系哈根大师😎其他野食都好好食架，例如啲海胆拖罗饭咁，细细碟，仲有咖哩牛腩，洋葱圈.......数之不尽！但留意餐饮只有一杯，冇任饮。