咖啡廳

营业中

休息中

To celebrate my grandma's birthday, we went to The Cafe at Sheraton for a lunch buffet. .The sashimi was tasty, fatty and fresh. I chose salmon, tuna, sweet shrimp, arkshell and talapia. My grandma was so into sashimi that she kept having them. The oysters were satisfying, esp when dipped in their specially-made spicy and sour sauce, enhancing their freshness and sweetness. I got myself parma ham, salami, cheese and salad. The addition of cold cuts lightened the meal perfectly. Their steak and l

-𝐓𝐡𝐞 𝐂𝐚𝐟𝐞 at Sheraton Hong Kong Hotel & Towers最新香港喜來登酒店推出以秋蟹作為主題既自助餐🍂【蟹樂無窮海鮮盛宴】 琳瑯滿目螃蟹料理 岩晒愛蟹之人！今次酒店行政總廚 Paolo Federici 以一系列優質螃蟹入饌同時亦有即開生蠔 / 冰鎮海鮮 / 日式刺身壽司等等✨咖啡廳【蟹樂無窮海鮮盛宴】 （成人 $718 / Mon-Fri)當晚淨係食蟹都已經可以食飽晒 包括有新加坡胡椒炒蟹 / 烤阿拉斯加帝王蟹腳 / 印式咖喱加菲蟹 / 避風塘炒軟殼蟹 /日式酥炸蟹蓋等等 而令我係最難忘既秋蟹料理係：🦀 「烤阿拉斯加帝王蟹腳」- 肉質鮮甜彈牙 只需要少少海鹽鹽燒同檸檬汁就 已經可以吊出鮮味 果日好好彩咁有得加三文魚籽一齊食 鹹鮮味滿滿 🦀「印度咖哩配澳洲加菲蟹」同樣係不容錯過由印藉大廚主理既菜式蟹肉肉質柔軟濕潤 配上充滿多種純正香料既印度咖哩 味道層次相當濃郁豐富 食唔停口🫶🏻除左時令螃蟹料理之外 現場亦有供應一系列：冰鎮海鮮 / 粵式點心 / 烤肉區（如烤黑安格斯肉眼及醃製排骨等） / 亞洲、印度及國際美食 / 甜品區🐟 冰鎮海鮮區 = 自助餐

星期五黎到食lunch buffet, 估唔到成場爆哂🤣啲員工服務態度幾好👍🏼一開頭都係食左海鮮先，蟹腳都多肉，同埋會不停refill, 而且食落都新鮮👍🏼以lunch buffet黎講比想像中多野食，又茶碗蒸、叉燒、雞、三文魚扒、豬腳薑、牛仔骨、小龍包等等… 甜品都多選擇，好多都好食，食完一碟甜品勁飽🤣唯一一個甜品唔推介就係忌廉筒，超級硬🤣🤣🤣喺Klook買就$350 一位，以依個價錢黎講lunch buffet都可以再黎食👍🏼

幫個仔慶祝生日🎂，見到Klook做緊$400左右嘅自助午餐，一於帶個仔去喜來登酒店度試吓。尖東站L1出口或者K出口比較近啲。海鮮回本位：有雪場蟹腳：都有啲鮮味，一批會比較鹹一批又會比較淡口，整體唔算太大隻比較瘦削。海螺🐚：好大隻，但係好淡口，食落都幾靭。海蝦：好細隻，但竟然有鮮味。生蠔🦪：每人限拎三隻，法國生蠔🦪，算有海水味。青口：夠肥美，最欣賞提供泰式海鮮醬和雞尾酒醬。刺身有數款、希靈魚無浸糖水，算新鮮，但不算脆口。吞拿魚🍣：吾知係味筋位，比較煙靭。八爪魚咬得開但無咩味。🐙、甜蝦夠軟糯。玉子、三文魚肥美，夠鮮。沙律🥗有新鮮沙律菜同Cold Cut ，可以有唔同嘅Topping。甜品方面：有窩夫餅、蛋撻、數款自家製蛋糕，但質素一般。竟然有自家製懷舊忌廉筒，杯裝Häagen-Dazs雪糕，有紅絲絨芝士蛋糕口味，幾特別。熟食方面：竟然有豬腳姜，有即席即煮牛腩麵，可簡雞湯同豬骨湯，湯底香濃清澈，印度薄餅🍕、羊肉咖喱、有切雞、叉燒，麥樂雞天婦羅、章魚丸、清蒸石斑、燒賣、小籠包。飲品： 有自助咖啡機、可以叫人幫你沖凍檸茶檸水熱茶，但橙汁要額外加錢。總結：整體食物質素一般沒有驚艷的食品

最失望的自助餐尋晚一行三人去食自助晚餐，其實價錢是其次，食物質素真的有待改進，我記得之前食過一次，令人印象難忘。但今次超級失望，阿拉斯加蟹腳超級鹹，生蠔雖然有兩款，但太細隻和很瘦，長腳蟹也頗纖瘦；其他食物和平價自助餐沒分別。除咗日式刺身/羊架/叉燒還不錯：有些甜品只出一次少量，之後也沒有。昨天入座率差不多七至八成，甜品refill只有幾款，有些完咗已經沒有再出現…有點失望。因為以前好多朋友很喜歡去這間自助餐聚餐，我也很喜歡。但真的很希望食物質素能夠回復以前。

場地偏細，服務員態度冷漠，好似趕客，收碟前不會先詢問，直接過來就拎起隻碟，勁快講一句（幫你收左佢）急急腳就想走，搞到輕鬆心情都緊張起來，我第一次忍，第二次忍，第三次真係人都癲，雖然香港人急速，但服務質素都變差，太令人震驚！ 食物好多都食得出急凍，味道差，種類少，可選擇的不多。最多人傻眼係壽司刺身用的醬油，係隱藏在生蠔旁邊，而生蠔用的檸檬沒有放夾，問員工還被駁嘴有夾，但其實真係冇，明顯準備不足，沒有看管好。刺身刀功好吾掂，食落口感都低於水平，沒有意慾再拎多盤。海鮮都係得長腳蟹比較食得落口，其他都食一次就吾想再拎。熟食只有叉燒，軟殼蟹睇得上眼。清酒煮蜆，粒蜆扁平，一點酒味都冇，似溝太多水。所以，一次體驗過就夠。

這次以蟹🦀為主題，除了有時令即開生蠔、冰鎮龍蝦，新鮮刺身，還有十多款螃蟹料理和甜品，中秋聚餐就啱曬😍。本日MVP當然是烤阿拉斯加帝王蟹腳啦😍，燒好的蟹腳帶微微炭香，入口爽彈多汁，還有避風塘炒軟殼蟹、胡椒炒蟹、印度咖哩加菲蟹，個人最愛是日式酥炸蟹蓋，小小一個釀滿了蟹肉，自己也吃了兩個😆。甜點corner的選擇也很豐富，不但有原個鮮果忌廉蛋糕和任食雪糕，還有十多款small bite，啱曬怕肥又喜歡甜食的女生，自己最喜歡宇冶抹茶opera cake、拿破崙和焦糖燉蛋，燉蛋的糖面冰冰脆脆的，好味道😋。

暫時試過去最差嘅酒店lunch buffet生蠔好細隻 蟹腳第一次攞還好，第二次可能係另外一批所以有啲鹹 Tiramisu 出一次，冇refill 🤦🏻‍♀️ 蒸魚都要行到第四次先拎到 🤦🏻‍♀️ 太細隻 ，同埋refill有啲慢 啲牛筋多到… 食物已經唔多選擇啦，食食下完全冇人幫手執嘢 ，d碟搭到咁都冇人理，有個職員見到但都扮睇唔到，最後係要搵經理問有冇人幫手執吓枱 🤦🏻‍♀️最份就係行去沖咖啡嗰陣，企喺度等緊嘅時候我同個朋友發現一隻曱甴係嗰啲杯隔離走嚟走去 😰 兩個人驚到反應唔切，應該要攞電話影低佢 🤦🏻‍♀️ 我fd同整檸檬茶個阿姐講有隻曱甴，佢哋好似見慣完全冇特別反應，都冇講任何嘢我搦住杯咖啡返去自己張枱之後叫人收走，飲都唔敢飲🥲性價比太低！唔會再有下次 ！！！

呢個自助餐都幾少野食。長脚蟹又細條，肉質偏咸。熱食都種類偏少。甜品款式ok但好多都太甜，無咩特色。同小朋友去無咩岩食。只可以話，同樣價錢可以食到更高質素的自助餐。

平時去食buffet都係因為想食下海鮮當晚食到好味嘅海鮮 好開心凍波士頓龍蝦蝦肉鮮甜又嫩食左幾件只有一件硬少少已經好過好多其他buffet仲有好多膏好好味點解可以處理得咁好還是因為選料好就會好食麵包蟹膏脂鮮香生蠔較細隻清爽夠蠔味加了點tabasco更美味蟹腳冇食不評論凍螺麻麻地另一亮點竟然係日式刺身壽司食左幾款都唔錯刺身鮮美 壽司飯又做得好食到呢度有d飽buffet供應至10pm很好可以慢慢嚐多一點熱盤方面友人各樣取了一點試試牛扒嫩滑但牛味較弱他推介了燉湯花膠雞材料優質用心做胃納有限所以我就選了蒸魚廚師選用左合適斤両嘅鮮魚肉厚得嚟又嫩滑雖然唔肯定係咪海魚但冇泥味有魚味我收貨最後要拎出第二個胃建議留番d quota食甜品因為十分出色Cheesecake好好食完美烘焙後嘅芝士香好誘人甜度低rich但唔heavy 怎做到呢好想見識下可惜食左一件仔之後就冇再出會為左呢件cheesecake同龍蝦再嚟Brownie都係五星級出品可可味濃郁與甜味比例調得精準吃出幸福感Tiramisu是傳統做法不是一件件切件嘅濕潤滑溜酒味濃十分喜歡不好甜品嘅友人亦試了其他小甜品也讚好非常滿足我倆已吃不下H雪糕p.s

❀ 香港喜來登酒店咖啡廳 #尖沙咀 ❀❗喜來登推出海鮮自助餐 任食波士頓龍蝦生蠔等海鮮❗——————————————————繼續尋間酒店自助餐😆今次嚟到尖沙咀五星級香港喜來登酒店咖啡廳，今期以「環球海鮮嚐鮮盛宴」做賣點✨由酒店助理行政總廚 Martin Carrasco 嚴選一系列時令環球海鮮，包括無限量供應波士頓龍蝦、新鮮即開時令生蠔、冰鎮長腳蟹、麵包蟹、蝦、青口、螺、蜆 🔥 仲有空運到港嘅刺身壽司，帆立貝真係超級肥美鮮甜☺️絕對能夠滿足一種海鮮控‼️.熟食貴精不貴多~最印象難忘絕對係香炸鮮蝦及西京鱈魚燒😋仲有花旗參花膠燉湯真係超級足料，大片花膠非常漿口，絕非平價貨色🥰另外有即席烹調嘅意粉、香氣撲鼻香辣小龍蝦鍋、蜜糖叉燒、升級版韓國泡菜海鮮鍋、印度咖喱、點心、馳名豬腳薑等😆當然唔少得即切烤黑安格斯牛西冷、香煎慢煮羊腿，肉質嫩滑，係數一數二嘅自助餐烤肉🍖🍗.另一賣點絕對係甜品🍰由總廚陳淦森師傅(Sam) 準備，包括抹茶、泰茶、斑斕、朱古力一共四款蛋糕卷，四款味道都非常突出，絕對係心機之作😚仲可以無限任食芒果糯米飯、自家製嘅朱古力歌劇蛋糕🎂最後唔少得以即整窩夫及Häagen-Dazs雪糕作結

最近心情不暢，知情識趣的先生提議食自助餐，確為心情帶來一𢇁好轉，最終選購了 喜來登酒店的午市自助，由Klook 購票，包加一，無限添加橙汁，可樂，只需$350/位，性價比十足。餐廳在11時50 分便可入座，食物選擇比想像中更為豐富，長腳蟹，生蠔，燒賣，小籠包，甜品，蒸魚，咖哩羊肉，意粉，芝士，烤餅，水果應有盡有，令人心情興奮。好景不常，雖然平日用餐的客人不算太多，但餐廳在本應是行人通道的位置上，擺放卓椅阻礙通行，進出取食物唔太方便….是敗筆的開始。午市沒龍蝦，有涷蝦。蟹腳只有剛開始時較大隻齊全，啖啖肉但味道偏咸（過咸）掩蓋蟹肉鮮味，其後出品瘦弱，唯一好是會不停添加。生蠔🦪尺寸偏小，味道帶點回甘，算不上出色，而且大部份時間只有3，4 隻出現，什至取餐盤一隻也沒有。中菜🔸蒸魚大條嫩滑。蝦仁木耳炒翠玉瓜🔸不過不失！🔸燒賣🔸小籠包，味道強差人意！燒味三寶🔸實在令人不敢恭為！叉燒，燒鴨肉質粗鞋厚實。油雞賣相美觀，肉質嫩滑，但骨處過於血紅，令人望而生畏。比較出色是咖喱羊肉🔸炆得頗為入味軟腍。甜品選擇豐富～花多眼亂下逐一品嚐，有忌廉卷蛋，慕絲，蜜桃批，蛋糕等…某些蛋糕甜品，口感乾硬，有不新鮮之疑….

趁住小朋友返學，出去食午餐，好耐之前去過一次，個次係試佢地既自助晚餐，今次去試下自助午餐，環境同以前差不多，早10分鐘度去到，已可安排入座，12：00就可以開始攞野食！冷盤有生蠔(新鮮但細隻)、蟹腳(偏咸)、蝦、青口同螺，冷盤算新鮮！熟食款式唔算多，而且味道一般，炸既野炸得太乾，椒鹽鮮魷直程有d硬，牛扒過得去，一般水準，蝦餃同小龍包都太厚皮！刺身款式基本既都有，算新鮮，甜品種類都ok，但味道唔係特別好！總括而言：一般，感覺上比以前差左，有待改善！

尖沙咀喜來登酒店二樓的咖啡廳，是我由細吃到大的自助餐餐廳。以前吃自助餐，在尖沙咀區，來來去去不是假日，不是香格里拉，就是這間喜來登酒店了。適逢今年是喜來登酒店五十週年紀念，為配合已有五十年的歷史，餐廳新的自助晚餐菜式是主打香港大排檔港式鑊氣小炒，來重拾久違了的昔日香港盛行之飲食情懷，更讓年青的食客們，在未曾經歷過大排檔是怎樣的一回事時，來見識一下大排檔港式小炒是什麼。今天朋友生日，特意請他來這裡，回味一下七八十年代香港大排檔的貼地小炒。將港式大排檔美食引入西式咖啡廳裡，餐廳總廚選擇了豉椒炒花甲、黃金大蝦、椒鹽鮮魷、香煎蠔餅、西檸雞等之鑊氣小炒，來作本次自助餐的主角。當然其他的，如環球海鮮，鱈場蟹腳、大蝦、麵包蟹、來自法國及美國的即開生蠔，非常豐富。而日式刺身亦絕不欺場，油甘吞拿魚肥厚鮮美的帶子等等也充足供應。這次光顧一大驚喜的是每位客人獲送開邊龍蝦一隻，大大隻肥美甘香有圖已有真相。其餘燒牛肉和熱葷也一應俱全。甜品為迎合經典港式口味，不妨一試的是他們的新主意，楊枝甘露布丁、阿華田蛋卷、奶茶咖啡合作而成的鴛鴦歌劇院蛋糕等。新年去吃自助餐，是港人家庭親友以往相聚團拜的節目之一，今年適逢酒店五

去到呢間酒店Cafe,我只有一個字形容—正💯！頭盤嘅生蠔，食落去鮮甜又爽滑，仲要誇張到食咗一打，真係過癮得滯。龍蝦同松葉蟹腳，味道鮮嫩得嚟，冷藏得啱啱好，每一啖都透心凉。話曬話，最正嘅莫過於果個燉湯—真係一試難忘！花膠螺片同椰子燉豬肉嘅配合，簡直係聖級享受，湯底夠晒香濃，入口即化。煎鵝肝都係一絕，外皮脆得黎唔膩口，再加上啲莓醬汁，甜中帶咸，勁爽口呀。而家講起窩夫同泡芙，窩夫外脆內軟，啖啖朱古力慕絲加泡芙，完美嘅甜品組合。當然，其他嘅煮法同食材都一樣出色，中式點心緻密又軟糯，日式魚生新鮮彈牙，烤羊架肉香四溢，蒸帶子同蝦，英國古老牛排都通通係高質水平。總得來講，這次嘅食旅真係堪稱一場舌尖上嘅盛宴，慳話咁多，快啲黎試下啦！記得，第時仲有芒果芝士蛋糕，又香又滑，絕對唔能錯過🍰！