早安越南 (已結業)

生虾片既大细属于可接受程度，试食第一只既时候，口感出乎意料的有咬口，唔似一般既越南食店口感松散，而味道方面属于中上水平，鲜甜且不带腥味，个人认为系铺头必选食品之一。手撕鸡冻檬粉，手撕鸡既调味做得好好，少咸带辣，有开胃作用。而旁边既札肉，味道唔错，但个人略嫌清淡，至于个檬粉正常水平，分量十足同有咬口，所以手撕鸡冻檬粉亦系铺头入面其中一个必选食品。酸辣海鲜汤黑粉丝，份量一样都系好够，黑粉丝有啲米粉咁，比较爽口。啲海鲜都有佢既鲜甜味，但佢个汤对我黎讲有啲太甜。而椰汁沙冰带点浓郁既椰子味道而且比人口感唔会口寡寡，配搭越南菜一流。咸柠梳打就好正常，无咩特别。