皇朝私房火鍋

营业中

休息中

15个人gathering 可以直接book VIP房都得次次gathering 都食西餐，所以今次想试新野，所以就拣佐呢间全港首间蒸气火锅。食物：平时都系系大陆食蒸气火锅，第一次系香港食，初初对佢期望唔高，始终多人食一直惊食唔够喉。我地今次系叫set，个人觉得价钱可以接受既！一开始食贝壳类海鲜好鲜甜，不过个时觉得一定唔够饱，一人食每种贝壳类都系得几粒。之后上虾上蟹上鲍鱼个时先知咩叫愈黎愈大兜，同埋啲海鲜都真系好生猛。不过个鸡面冇想像中咁吸引，啲鸡几甜，但一定要加佢地既辣油先好食！服务：虽然要一种一种食物落锅蒸，每次都要等我地食完先再放，但个waiter完全冇嫌麻烦，又帮我地分好一人一份野食，夹到落我地每个碟到。食物蒸要计时，waiter会走开做自己野，时间一到就即刻番黎，我地完全唔洗担心蒸唔好或者蒸过熟。而且要影相就影完先煮，唔会催我地。态度good！！环境：装修干净，VIP room有两个厕所好方便，好干净。另外入面有得送酒。