金飯館

营业中

休息中

收工系附近行下，睇下有咩好食，行过见门口都几多人等外卖，入面又好似爆晒咁，即管试下，好好彩仲有位，真系慢少少就要等。两个人决定叫两个饭嚟share，再加个小食，叫埋野饮啱啱好。好多款饭都好似好正，最后决定叫秘制沙嗲牛肉双㶶边兰王蛋饭同即叫即炸椒盐猪扒饭。小食就拣咗蜜汁鸡翼，野饮就手揽柠茶柠水各一。秘制沙嗲牛肉双㶶边兰王蛋饭 $78好香，跟一兜仔菜脯，个沙嗲好正，食到花生酱味，d 牛肉唔会老晒过熟，个饭系炒底，正，只蛋由于我唔食生蛋黄，净系食咗蛋白，好香真系，朋友就大赞个黄好正。即叫即炸椒盐猪扒饭 $78见隔离左右个个都有叫呢个饭，餐厅又大大张poster，劲吸引，劲多旧猪扒，咬落仲好juicy，又香口，唔会话好辣，个饭都系炒底，两个炒饭都系粒粒分明，掂。蜜汁鸡翼 $48由细到大都好钟意食蜜汁鸡翼，所以要叫嚟试，够晒蜜糖，又够脆，旋风式食咗3只🤪手揽柠茶柠水 $17正常野饮，不过唔知点解叫手搅😂😂😂唯一弹嘅地方系，d 位有d窄，人又真系好多，其他都好好，值得再食。