影片
更多
2023-06-13
690 浏览
为食就系任性………想试佢嘅灌汤饺。星期六、日饮茶无得订枱，10:30开门，10:50到，亚姐话要13:15先会有枱！😱同亚姐讲一轮，终于俾我哋攞号码等枱，等咗一粒钟，比预期好！而且未有好多人等，可以坐风扇隔离，唔热！灌汤饺系一个情意结，细个成日跟老豆去饮茶，中环有家酒家，佢哋好IN，当年已经有食物模型。喺𠮶度有灌汤饺食，当年已经系贵嘢！讲番星期日大围小馆，佢嘅灌汤饺比起北角老牌酒家好，汤清而浓，好多虾和带子，但个人觉得加啲冬菇丝、笋丝、木耳丝更好。其他点心都唔错，鸡包仔都系旧味道，有姜丝。叫咗三式肠粉 - 牛肉/虾/鲮鱼肉；牛肉有芫荽，鲮鱼肉有果皮丝 - 香！但佢有酱汁嘅点心，个人就麻麻！上次叫猪肠，今次试牛骨髓，都嫌佢酱汁太浓，太厚！听亚姐讲电话，晚饭订枱星期五、六、日要排到7月！😅
星期六、日饮茶无得订枱，10:30开门，10:50到，亚姐话要13:15先会有枱！😱
同亚姐讲一轮，终于俾我哋攞号码等枱，等咗一粒钟，比预期好！而且未有好多人等，可以坐风扇隔离，唔热！
灌汤饺系一个情意结，细个成日跟老豆去饮茶，中环有家酒家，佢哋好IN，当年已经有食物模型。喺𠮶度有灌汤饺食，当年已经系贵嘢！
讲番星期日大围小馆，佢嘅灌汤饺比起北角老牌酒家好，汤清而浓，好多虾和带子，但个人觉得加啲冬菇丝、笋丝、木耳丝更好。
其他点心都唔错，鸡包仔都系旧味道，有姜丝。叫咗三式肠粉 - 牛肉/虾/鲮鱼肉；牛肉有芫荽，鲮鱼肉有果皮丝 - 香！
但佢有酱汁嘅点心，个人就麻麻！上次叫猪肠，今次试牛骨髓，都嫌佢酱汁太浓，太厚！
听亚姐讲电话，晚饭订枱星期五、六、日要排到7月！😅
12 浏览
0 赞好
0 留言
张贴
