雲南啊老表黑山羊湯鍋米綫

营业中

休息中

之前见佢系佐敦开咗分店，就去试一试，点知佐敦店份量太少，但都系观塘店最好食。例牌都系叫咗个大嘅羊肉米线，以前喺观塘道可以选有皮冇皮，而家转咗过嚟呢边虽然冇得拣，但系今次有惊喜啲羊肉系有皮。其实佢个羊肉再加埋啲菜甫真系一绝，好可惜佢d小食大部份都系会出事，今次试吓呢个羊肉串烧， $19两串，份量唔算多，味道系好食但比较干身。鸡翼之前试过赖嘢，上枱嘅时候都系冻嘅，今次俾多次机会佢。今次叫麻辣，唔算卜辣亦好入味，如果可以多番少少芝麻嘅话就会更加完美。今日唔知系咪假期，好似下午茶冇送嘢饮，但系佐敦𠮶间咩时段都冇嘢饮送。不过重点都系羊肉米线，真系无法取代。