爭鮮迴轉壽司

营业中

休息中

自从有次争鲜堂食后，发现啲寿司唔新鲜之剩衞生情况又麻麻，有啲寿司连盖都无，而且装寿司既碟又有渍，所以之后食争鲜都系买外卖算了，事隔多年今日就再试下堂食既质素，不过今次就系第二间分店堂食，依家做梗碟碟八蚊优惠。😍三文鱼都算肥美。呢款系堂食产品，芝士蟹肉玉子烧，味道唔错，不过口感就硬咗啲。呢款寿司个样几得意，重以为系咩鱼咁特别，原来系烧粟米寿司嚟，估唔到连明将既款式都会系度出现。不过当我坐耐咗问题就出现喇，我发现回转带啲寿司系完全无出过新既。。。。同一碟既海胆军舰系我面前不停出现，果碟海胆军舰本身都几靓仔吓，但经过一个半小时后，我见证住佢啲海胆开始溶化，我真系唔知佢究竟系度放咗几多个钟 🥶 寿司款式真系无唛，只觉得前菜就最多，因为无人食所以都应该放咗重耐，当你每食一碟寿司，厨房又唔出啲新，变相只得啲无人食既寿司同前菜系回转带上，到唔知边枱新客入嚟食咗佢，加上又好似无得order，感觉啲新客人入嚟系食啲唔太新鲜同无得拣既寿司同前菜。