金雞去骨海南雞專門店

营业中

休息中

大家睇番我啲食评，就知小弟对海南鸡有一定要求；好食既鸡饭，要滑要有鸡味，起码要有黑豉油同辣酱汁，一定要上热既鸡油饭。以我理解，鸡饭系原自马拉牌档平民美食，价钱亦应较相宜。今日入西贡，久闻《金鸡》大名，门口见秋生试食广告兼品评，亦系美食街较多人既店铺之一。要说说一点，明白店舖较少，老板亦想尽量招呼多几枱客人，系会要求已安坐既客人即兴调枱既。但我认为，既然客人已按店主要求，咁老板是否有责任上番正确既菜比客人，同跟一跟上菜慢左既单呢。点了二人餐，包半只海南鸡，肉饼，油菜 和鸡油饭。唉。鸡竟然先上但漏了饭。又要追一大轮先有饭食。讲番啲嘢食，只鸡的确名不虚传，滑之余吾算肥，一入舖就浓浓既鸡油香，走骨啖啖肉，黑豉油少甜，辣酱吾辣亦食过更吊味既海南鸡酱。一定要提提，佢个咸鱼肉饼非常正，未上菜已经闻到咸鱼香，仲要轻轻煎过，脆上。不下海南鸡美味。总结： 海南鸡上乘，肉饼坚美味，平平哋西贡美食。环境，服务，卫生可以更好。