Vie Won Won (已結業)

作为vie won won 常客，最钟意呢度环境靓食物质素高，难得系作为打卡餐厅咖啡超好饮，今日再同妈咪嚟食lunch~Lunch set比假日单点更划算，餐饮可以加钱upgrade做餐牌内嘅任何饮品，flat white非常香浓，上次饮嘅dirty够冻亦系出色之作。Lunch包咗餐汤/沙律，蘑菇汤非常足料。主菜拣咗鸡胸沙律同猪鞍扒share，柠檬鸡胸用咗泰式甜辣酱调味好惹味，沙律菜款式多亦加入柚子同蜜柑增加开胃感。猪鞍扒肉质爽口，配菜丰富，南瓜蓉调味偏重同芦笋甘笋等其他蔬菜一齐食味道啱啱好～甜品方面代名作固然系迷幻蘑菇，但今日嘅精选甜品水准同样不俗，仲冇咁甜添～玄米菜戚风用上抹茶淋酱点缀，味道更有层次，而且口感松软，食落罪恶感较低～