大飯糖甜品小食屋 (已搬遷) 新店位置

虽然芒果湿热，但我都好想成日食，每次食泰国菜定系食糖水都总会嗌一个芒果嘅菜式，我身边嘅朋友都知道我系芒果嘅爱好者，节以今次嚟到大饭堂糖一定唔会少得芒果嘅！我今日身痕，突然之间好想食甜汤，所以收咗工就一个人趁佢未旺长嘅时候去食糖水，估唔到一大早已经有好几台客人喺度，不过我一个人坐边度都OK啦。哈哈，今次嗌左个芒果之城，纯粹系贪佢以芒果为主打嘅一款出色糖水，其实如果系呢度食两碗糖水已经可以当系一餐晚饭，因为佢有好多配料，有芒果雪糕、芒果星星、黑珍珠再加水晶同椰奶，当然唔少得就系我最爱嘅芒果肉啦。今次啲芒果虽然冇上次咁出色啦，但系一定好过出边嘅糖水舖，虽然唔算劲甜，但好在佢够冻，不过可能系我太钟意食甜，所以就觉得佢唔够甜，在我眼中唔够甜就唔出色。啊！我谂到一个原因啦，可能系因为今次得一个人嚟，下次等我带埋一大班friend再嚟食先！到时碗糖水一定甜到入心入肺。