蛇王海

营业中

休息中

大埔蛇王，每年只开几个月，抵食、足料、大大件又好味，每晚都想执返济 ~ 套餐都系 HKD40 有汤有羹又有饭，正到痺 ﹗唔洗加大，连我都觉得真系好饱呢。食完蛇肉、饮完蛇汤几个星期都暖笠笠 ~ 一天气冷，每晚高朋满座，真系客似云来 ~太史五蛇羹，好食到唔停得口，上汤浓郁，足料大大旧、啖啖肉，热辣辣，劲好味。蛇肉肥美、冬菇丝软腍、木耳爽口。加啲浙醋、加啲糊椒粉、落啲脆卜卜、落啲柠檬叶丝，酸酸地、辣辣地，好开胃。腊味糯米饭，有腊肉粒、腊肠粒、虾米、冬菇粒等，好多料，炒得劲香。糯米咽靭，好好味，大大碗，食完仲想添饭。五蛇汤，甘香又鲜甜香浓，每次必饮。