拉麵來 (已結業)

学生时期嘅我成日都喺大坑蒲头，差唔多间间都食过，唯独系呢间拉面来。而今日心情特别差，因为加班左三个钟，所以决定同朋友大开食戒，然后就入咗呢间拉面来。餐厅虽然比较狭窄，但装潢非常地道，从超人贴纸，海报到玩具都散发浓烈日本怀旧气息。值得一赞系餐牌，食物嘅图案同旁边嘅文字变得卡通化，非常趣致。餐厅嘅拉面以金木水火土作为简写。不过餐厅做紧两款人间限定，当然不能错过。首先我拣咗牛舌牛尾汤拉面。汤底入面嘅牛骨味几香浓，而主角既牛舌口感柔嫩，但同时保留牛舌一定嘅嚼劲。笋同葱分量超多，令拉面更具风味。面质方面，餐厅嘅拉面挂汤能力高，所以食每一啖面条既同时，都可以品尝到汤底浓缩既精华。至于朋友叫咗极上海老吟酿拉面，一上枱就已经闻到阵阵虾既鲜味，汤头可谓相当浓郁，海虾亦非常弹牙。面条方面，朋友选择左普通，结果面条都几弹牙。朋友加面就系拉面好食既证据另外仲叫咗款小食，免治鸡软骨串啖啖肉之余仲有咬口，表面微焦，不过感觉酱汁同鸡软骨串并冇融合一起。我同朋友见餐厅嘅饮品系出面比较少见，所以叫咗苹果梳打同山葵姜味汽水。有啲樽装嘅苹果梳打味道好似药水，但呢款完全系真正苹果甜味，非常讨好。至于山葵姜味汽水带点微辣，辣度