川之味麻辣米線 (已結業)

系呢间野未系咁出名之前，已经时不时黎食，后来愈来愈出名，次次都要排好长队先入到去食，就减少左黎食既次数。本身我系好钟意食米线既，加上钟意食辣，所以呢间真系好岩我口味啊。最钟意嗌猪软骨竹笙猪红萝卜芝士丸，带阿妈食过猪肠木耳冬菇，佢都话好味。试过一两次鸡翼等小食，不过因为就咁一碗面都已经好饱饱到食唔哂，所以都好少嗌，费事浪费啦。呢间野系好香，食落去系觉得好正，但唔好既地方都有，就系落好重好重好重味精。次次食到一半，已经觉得好渴。唔系因为食辣既渴，而系好似「X仔」系列咁，食完你饮几多枝水都仲系觉得渴既感觉（感觉佢味精重手过「X仔」好多）。 以前佢仲会明目张胆大大包味精放系后门位置，惊死你唔知佢落左味精咁🤣。不过有时俾自己放肆下，都会去食味精面既，因为真系好好食🤣。另一样系佢既辣度好波动，有时嗌BB辣，但就红过辣过我朋友碗小辣，好难捉摸。未有疫情前真系坐得好逼，而家有限制，反而坐得舒服左，唔驶成日坐系厕所门口睇住人出出入入。