Hero Sandwich (已結業)

今次已经系第二次黎呢到食野啦第一次黎呢到食野系比正价购买食物的，果次系叫左热狗同烧肉眼牛扒三文治。食完次后觉得几好食，会有再食黎既冲动，但系今次就有D失望。今次系用团购券黎买左两个餐薯条有股㶶味，完全盖过哂其他洒系上面既调味料既味道猪排包包身脆口但系唔够热，可能因为先烘面包再放配料既关系放冻左。而猪排先系我比劣评呢个餐既致命伤，猪排太韧，未断筋同过老，猪排本身无味而酱汁亦太少，引致整个包既味道唔够同埋太难咬。可能各位未必认同，但系我个人认为食包最紧要就系方便易食，但系呢一个猪排包竟然可以咬到我牙骹痛，所以我认为呢个猪排包做得极之失败。呢个系女友叫既照烧鸡三文治，由于唔系我食，所以评价唔太多，但女友对此的评价也是薯条一股烧焦味，而包既味道尚可，因为酱汁够，但系只可以叫左合格，唔会挑起再次食既瘾。