興記菜館

营业中

休息中

去庙街食煲仔饭，唔系去四季就系兴记，呢两大山脉已经霸占咗庙街煲仔饭多年，咁究竟边间好食啲呢？之前已经写过四季食评，而家就讲吓兴记啦！兴记响庙街有好多间分店，基本上总有一间唔驶排队嘅！即叫即食真爽 兴记响煲仔饭款式方面可以话系花多眼乱！除咗典型嘅腊味饭、凤爪排骨、窝蛋牛肉、北菇滑鸡外，亦豉椒白鳝、姜葱蟹、咖哩牛腩、餐肉煎蛋饭…… 基本上同碟头饭无异，只系唔用碟用煲仔上枱啫！至于食物质素方面，我点咗排骨饭，啲排骨系肉排，唔似四季咁只有骨冇肉。而饭量亦比四季多，但可能火喉唔够啦！所以成个煲仔饭都冇饭焦嘅！另一个腊肠滑鸡饭，腊肠系下等货，唔香仲超硬 但系啲鸡就真系几滑嘅而且仲几多肉o添 庙街另一皇牌 - 蚝饼，佢有别于四季嘅炸蚝饼。兴记嘅蚝饼偏向蚝仔煎蛋，质感偏软比较饱肚，而蚝仔份量就唔系咁多喇！食热辣辣嘅煲仔饭＋蚝饼，最好梗系配埋可乐啦！兴记有自家汽水柜，饮汽水唔驶走出街买，而重点系兴记有支装可乐！煲仔饭 ＋ 蚝饼 ＋ 大支装可乐，一站式齐晒！此乃兴记生存之道！