水記

营业中

休息中

去staycation无意中见到呢间电视介绍过嘅老字号于是就试吓，由于过咗食晏时间，所以佢话牛腩、爽腩、牛沙瓜同牛脆骨都无，于是我哋就叫咗碗牛什面、云吞面同油菜，不过过咗十零分钟之后，又突然话有牛腩，同枱另一pair客人点咗，但就话d牛腩好硬，我眼见都觉麻麻地，几想叫佢比我影相呀😆, 食肆环境其实唔驶点多讲，街边大排档我谂除咗上咗年纪嘅人会觉得有d回忆之外，都无咩值得赞扬，讲返碗面……我个人食面好著重汤底同面质，碗面一到一定先饮啖汤，但讲真除咗咸真系食唔到咩味，面质就真系几爽口弹牙又无碱水味，但牛什同云吞就真系一般啰，牛什唔知系个汤底太咸关系定点，就系食落无咩味啰，云吞唔差但又无咩特别咁啰，可能佢话卖晒𠮶d真系好好食呱，但睇食评见其他人话𠮶d每日都只系得两碗，所以如果想专登嚟食嘅都要谂谂先喇。