麥當勞 (已結業)

呢日唔知去乜野日营，日营之前就喺呢度食个丰富啲既早餐啦。其实，我对呢餐早餐无乜期望。因为缩水、难食已经系大部份人对M记既评价。只系唔想迫，所以先黎M记解决个早餐。香草鸡扒早晨全餐令我意外既系，个鸡扒比参考图片既仲要大块。而我个fd块鸡扒都系有我既三分之二咁大块。个鸡扒都几好食，炸粉唔算太厚。而且肉质唔会好dry，都有啲肉汁既。佢仲有个沙律酱点既，点埋个酱仲好食。当然，其他野食就无乜期望啦。炒蛋就唔算太滑，只系一般M记既货色。而个果酱包同以前既味道分别不大，无乜特别。而薯饼只系大量生产，真系无乜特别可言。热朱古力朱古力味都算几浓，喺呢日得番8度既天气。饮落更加暖心头。记得以前仲会加粒棉花糖，饮落更香浓架。呢餐都算几好，因为个份量之大令我可以顶到差唔多成一点。希望下次都可以咁啦，因为食M记真系睇你有无手神保祐架啦。