点心代表 (已結業)

睇过咁多食评都系话好睇唔好食～但我又真系好想玩下新款小新，所以带埋仔女去食～抱住无咩期望就会有惊喜～我一大人两细路就点咗 1）大飞朱古力流沙包 2）不理左卫门奶黄流沙包 3）檬檬猪虾饺海鲜肠粉 4）樱花带子海鲜炒饭 5）小白朱古力特饮 6）小新桃味特饮 7）妈妈樱花味啤酒朱古力流沙包一笼只得两个，所以俾咗仔女食，仔女话好好味，同埋外表真系好靓～奶黄包对我黎讲偏甜，无咩奶黄包既香，但都唔错架～虾饺肠粉外型差点点，特别系扮小新既虾饺，变到歪头小新，一碟有两条，海鲜既意思系一条蟹柳，一条虾，蟹柳无咩味，虾味好得多，有虾香同弹牙～肠皮有啲质感唔会太软身～平时唔食虾饺既呀仔竟然话食小新呢个虾饺头～以前喺茶楼叫佢食啲都会话难食，今次呀仔话超好食，佢第一次话虾饺好食，我下次要点笼虾饺自私食先得～始终点心难食饱，想食饱又偏贵，所以叫咗个炒饭，呢个樱花带子炒饭虽然无大排档既香，但讲真系路错架～料仲好充足，带子好多，带子唔系水充，几好食，仲带点爽口～不过唔知樱花呢个名点黎⋯朱古力特饮如果可以更浓朱古力味就好啦，唔够味～桃味特饮系清香，唔错既，不过都系浓味啲更好～樱花味啤酒一般般，不过桃味沉底，饮到较下先饮