三小漁

营业中

休息中

特登订位黎试试，open rice上面都有几多好评，点知比到既位就系门口台，好似茶餐厅台咁。我就冇乜所谓，但妈咪就有啲微言。啲座位安排系差啲，当晚都有好多台客request换位。讲返食物质素，卖相好靓好好睇，feel到有镬气。但系佢海鲜啲生熟程度控制得唔好。鲍鱼太生，蛏子太老，硬到咬唔烂，呢个价位我唔expect咁样既质素。话梅骨超级普通胡椒鱼肚芥菜汤尚可，胡椒同姜味浓，暖暖地好舒服。啲职员系咁sell我地食啲贵价海鲜，不过我同妈妈得两个人食，个份量太大。我同妈妈倾食紧咩，仲未准备落单既时候，佢地一排人企晒系我地附近，听我地食咩。整体感觉有啲chur，感觉不太舒服。有位职员仲打泻左点蛏子，热辣辣酱油差啲滴到我妈妈只手，结果我妈咪手机遭殃。成餐饭感觉唔算太好，食物一般，服务一般。呢个价钱唔值。