CIAK - All Day Italian (太古城中心) (已結業)

听闻CIAK - All Day Italian系本港其中一间米芝莲餐厅，就等我今晚试试佢威力😎讲返少少餐厅背景先，佢取名“All Day Italian”系想客人可以喺到试到各款意式美食。凭住哩个意念，佢哋嘅餐点设计同餐厅氛围都系采用“意”国风情，当中更有唔少外籍员工添！而听闻佢哋嘅面包、饼底同意粉都系自家制做，作为淀粉迷嘅我当然要点返相关菜式啦🤣当晚我哋就叫左茄汁八爪鱼、芝士风干火腿pizza同羊架。 一入座，侍应就送上一碟餐包，入口有惊喜，温度、口感同用料足以令佢赢在起跑线上～落完order冇耐，菜肴便陆续送上。八爪鱼系前菜，当中有三块薄脆多士作伴碟，汁底由茄酱同龙虾汁混合而成，馥郁浓厚，同伴碟多士巧成绝配，而主角八爪鱼为原只上，原只烹调不仅锁住鲜味，佢脑袋盛载满满嘅酱汁，犹如酱爆牛丸般一咬爆汁，甚为过瘾😄至于pizza，佢嘅饼底都系自家制，口感及用料同餐包同出一辙，四款意式芝士为base外加数块风干ham，批边酥脆、芝味四溢、火腿咸香，冇得输啦～而羊架我哋拣左medium，唔会大渗血水亦唔会过熟而嚡到打渣，肉质方面都冇冰鲜过嘅霉感，辟臊方面都处理妥当。总结而言，优质嘅客服、上盛