潮食 (順欣花園) (已結業)

话说本身男友黎上水一齐食饭，为左隆重其事，特登做research 做左半日，都仲未谂到正餐食咩就见到椒盐鸡蛋鸡蛋仔既推介！接男友车之前，特意早啲出门口去排鸡蛋仔。去到门口有个妹妹唔知等紧鸡蛋仔定夹饼，谂住开口落单既时候，阵阵朱古力鸡蛋仔定夹饼既味已经冲左入两个鼻哥到，仲不禁叫左声：哗！真系好香啊！ 但呢份香味无阻我试椒盐鸡蛋鸡蛋仔既决心，落完order之后系旁边等。下一位客人系位妈妈，佢叫左两份薄饼，我八挂开口问下佢啲薄饼如何，但原来佢系朱古力夹饼既常客，今次都系第一次试薄饼，所以都未可以分享到。转个头椒盐鸡蛋鸡蛋仔已经到左我手上喇！急不及待试食左第一粒、第二粒、第三粒、第四... ...第一次食咸既鸡蛋仔，太冲击！我行去接男朋友既路试已经「试」左半包！鸡蛋仔既表面出其地令身，虽然边边既蛋浆同料都比较少，但中间既椒盐同蛋味都好香！见到男朋友第一时间俾佢咬啖个用佢既龙舌试下系咩口味，估唔到佢一试就试得出，厉害！厉害！我地对椒盐鸡蛋鸡蛋仔既评价都系好特别！如果系第一次食，我觉得几新奇有趣既，但系下次我就想再试劲香既朱古力味或者系特别系列既猪柳蛋鸡蛋仔嘞！