台灣麵

营业中

休息中

上面系食过一次，印象麻麻地 今年嚟食第二次，畀多次机会佢睇下有冇进步到，一样系选择咗晚餐时段嚟食 星期日嘅晚饭时间，竟然都冇咩人所以唔使等位即刻可以入座我嗌咗个茄子肉燥菜饭朋友就嗌咗个蕃茄 牛肉汤面啲肉燥都几唔差嘅，起码冇某间台式餐厅d肉燥饭咁咸啰！佢d饭都ok热只系略嫌有少少硬茄子嘅味道就比较淡，平平无奇 不过煮得都几腍嘅，啲菜就不过不失啦～杯冻豆浆反而几好饮，唔会话太甜唯一美中不足系净系得冻豆浆，冇得拣热饮啰朋友嗌嘅蕃茄牛肉面，佢话味道都唔错几好食，而我就闻到有好香浓嘅蕃茄香虽然冇试过碗面系点， 不过都应该真系几好食朋友惊唔够食 ，嗌咗碟花枝丸 呢个真系不得了啦好香口又脆卜卜 好大粒花枝丸， 比我想像中嘅大外表煎得有少少金黄色，一咬落口外脆内酥香， 食完会忍唔住想食第二粒之后想清晒成碟强烈推介大家嗌呢个试下！！！反而呢碟花雕鸡翼，真系好令我哋失望我净系咬咗一啖，就即刻吐返出嚟放低咗个鸡翼冇再食过首先，我觉得佢啲肉煮得好硬啰！又鞋十十咁， 而且啲味真系好奇怪一啲都唔似花雕味真系第一次食咁难食嘅鸡翼！连朋友都话觉得唔好食！！！佢勉强再食多几啖就停口，因为真心难食！