好德來小籠包店 (已結業)

平日收工黎到佐敦，突然想食小笼包所以特意黎到好德来食晚饭。平日唔会太多人，一入到去就有位坐。首先当然先点左一笼招牌小笼包试一试，味道同想像中差唔多，汤汁都好食，另外亦叫左枝冻豆浆饮，一枝可以岩岩好分到两杯。之后就叫左份排骨汤面，排骨系分开上，原来好大份，同时炸得非常香脆，肉质又唔会炸到好干，整体味道比预期中好好多，而汤面既面条口感都不错，系成餐饭最满意既野食。最后仲叫左份甜品，就系紫薯水晶团，其实都系贪佢既外观几别致同个人喜爱紫薯既关系而点。虽然已经有心理准备就咁蒸完既紫薯会好淡味，但可惜实际既味道比预期中仲要淡得多，口感上同水晶团亦唔系特别夹既感觉，所以都系试一次就好。但系总括而言我仍然几满意呢间中餐厅，虽然食物价格唔系特别便，但当日店员既服务态度都几友善同主动，所以留低唔错既印象。