Big Sur (已結業)

今日夜晚去到中环同朋友食饭，系兰桂坊后边𠮶条街，所以好多外国人同埋外国餐厅，呢一间餐厅真系几有美式感觉。佢哋有个女服务员好好人，系咁介绍佢哋餐厅嘅特色同埋食法俾我地。我就叫咗一杯ginger beer（上），朋友就叫左杯monster cocktail（下）。呢个就系烤带子配青瓜冻汤，个带子外脆内软，好有火候😂但青瓜好有趣新奇，真系有新鲜青味，所以完全唔油腻。呢个系鹰豆嘴泥、蔬菜、鸡蛋同埋面包，我自己就好钟意食个鹰豆嘴泥，因为佢个感觉好清好健康haha，同埋都饱肚，鸡蛋同蔬菜就系配菜。系香港我都系第一次食呢个😌所以感觉好特别！终于到我哋嘅主菜，系牛肋骨同埋猪肋骨，呢个真系够晒两个人食，加埋BBQ酱，真系好邪恶。佢个牛肋骨系有一半肥膏一半瘦肉，所以每一边切少少加埋黎食☺️想食肥啲有得食瘦啲都可以，总之牛味好重🤤呢个特色炒饭系混合左三种米，由硬到中硬同埋软饭都有齐晒， 所以口感好有咬口🤣，见到佢入边都有啲猪肉同埋菇，加埋佢啲BBQ酱，香口好味，食完呢个都饱啦！但系我哋最后咪都系叫多咗个甜品，嘻嘻。