Joia

营业中

休息中

星期六日尤其是大时大节，揾餐厅食饭其实都唔容易，好多地方尤其是啲大商场都会好多人，但系一啲 商业中心区，因为主要做上班族生意，星期六日以至大时大节，反而容易揾位㖞，就好似圆方商场咁就系啦，放假嘅时候商场里面嘅餐厅有好多人，但系 ICC 楼下嘅 Civil Square 就会相对少人啦，呢日都系星期六晚，记得当时都系临近节庆，同朋友约咗去西九玩，之前就去咗 Civil Square 呢间餐厅度食饭，呢度有好多唔同菜色嘅餐厅，同埋有好多户外座位，可以带埋自己嘅狗狗 一齐去食饭，我哋嗌咗一个肉眼扒，肉质丰厚，另外有嗌咗一个羊架，摆得好精致，完全冇苏味，肉质好鲜嫩，另外叫咗个大虾意粉，除咗大虾之外仲有好多虾肉碎融入意粉入面，令到意粉口感丰富咗，当然唔少得一盘生蚝啦，不过号就唔系好肥美，前菜方面就点咗水牛芝士，成个环境都好舒服好 Chill，最紧要系星期六日大时大节容易揾位嘛。