Franape Bar & Restaurant (已結業)

今晚约朋友食饭 ，庆祝相识十周年， 同事推介喺太子嘅呢一间西餐厅 。去到一睇 ，见到装修相当有特色 ，好有气氛， 侍应好细心咁样介绍餐厅有咩好食嘅嘢。 于是乎我就叫咗一份 美国特级肉眼扒配薯蓉 ，小食就叫咗个鸭肶珍宝珠， 再叫咗一杯Edelweiss Draught 花香啤酒 。先嚟一份小食， 份小食真系好特别好特别， 系摆咗好似4枝珍宝珠咁嘅样，但 其实系一粒粒炸到金黄色嘅波波， 入面系薯蓉同埋鸭肶粒， 仲有少少沙律陪碟， 卖相特别又好味。 不过记住要趁热食， 因为冻咗可能会唔脆。 跟住呢就嚟杯啤酒， 第一次饮呢啲有花香味嘅啤酒 ，十分特别 ，我见到佢个fdrink list有好多手工啤酒， 样样都好特别， 例如话有啲系朱古力味， 苹果味， 橙味， 真系乜味都有。 可惜酒量欠佳 ，如果唔系真系试晒佢。 跟住就嚟主菜啦， 大大块肉眼扒， 三成熟 ，而且仲有好多薯蓉喺块扒下面， 仲有冧酒汁 ，同埋 芥辣。块扒未食之前闻下佢已经闻到非常之香， 食落口非常之嫩滑， 沟埋冧酒汁 一齐食 ，就可以令到食牛扒嘅时候冇好漏既感觉。 牛扒点芥末都好好食。 不得不提嘅系𠮶个薯蓉， 充满牛油嘅香味，