德美壽司

营业中

休息中

系尖沙咀行完街，攰攰地要揾间餐厅坐低食饭，又想食日本野于是就嚟左呢间日式料理餐厅。之前食过都觉得ok.一上到嚟，已经系6点几7点，吓亲，连埋我地得3枱人，以前系会坐满晒。。睇嚟香港嘅餐厅都好难做。。。叫左个寿喜烧锅，应该系用牛肩肉，牛肉味浓，肉质比较实，味道不错。仲有好多娃娃菜，金菇垫底，索晒啲寿喜烧汁味，非常好食。之后叫左个烧鲭鱼（因为唔想食咁多生野），鲭鱼无腥味，feel 到鲭鱼嘅omega3 好多同埋都算几juicy 同厚肉，烧得好香，绝对无hea 你。然后叫左几件sushi, 帆立贝 鲷鱼 三文鱼，鱼生都算新鲜，帆立贝都算鲜甜，三文鱼油脂分布平均。鲷鱼味道就淡啲。烧鱿鱼好正！！鱿鱼好弹！啲烧汁烧到好入味！串烧就正正常常。普通日式串烧，无乜记忆点。最后佢每人送左甜品，系啲日式糕点，滑劣劣，少少抹茶味加红豆，好食。