浩食冰室

营业中

休息中

以前喺元朗工作就会成日黎呢间浩食冰室度食, 以前食嘅感觉相当之好, 令到我今次经过元朗都专登过嚟食个早餐。今次都系食返以前叫开嘅沙嗲牛肉公仔面, 以前食开就会转蕃茄汤, 今次佢就话冇得转蕃茄汤, 要转罗宋汤(+5蚊), 咁我既然专登过得嚟食就唔会介意个少少钱啦, 照加。先讲吓佢个沙嗲牛肉已经唔再有以前咁浓郁咁香, 已经变返普通嘅茶餐厅货色。牛肉就切得厚薄适中, 亦都几嫩滑。罗宋汤就真系汤咁, 唔同印象中嘅蕃茄汤底𠮶种浓郁嘅感觉, 所以如果大家唔系想饮个罗宋汤都唔会建议转。虽然整体感觉一般, 冇以前咁好食, 但都系喺茶餐厅之中有水准嘅一间。