影片
更多
2016-12-21
5453 浏览
上个月中「星月居」仍在试业期间，好荣幸地XO仔已有机会亲尝多道顺德美食，当时亦即时为大家作出详尽报导。睇过细佬篇食评后，多位长辈都话好有兴趣一试，所以晚辈就喺餐厅正式开幕后搞咗次大食会聚餐。离聚餐日约两个星期前已收到「星月居」o既短讯，通知新店成功领有酒类牌照，自来酒品均会酌量收取开瓶费；细问下得悉普通750ml装红、白酒每樽收$200，明显自己并非VIP。唔知系咪冬至将近o既关系，除咗六间厢房之外，今次大堂中央仲增设咗张大圆枱。楼面伙计全部都忙得团团转，认得小肥o既都好友善地上前打招呼，不过佢地o既同事中亦有几位黑面神，真系唔知几时得罪咗佢地啰！因深知餐店只招待预先订座之顾客，及必先预设菜单，小弟就凭上次经理哥哥所派o既咭片以whatsapp与其通讯。经理哥哥第一次传黎供参考之「新张志庆菜单」如下：顺德鱼蓉羹翡翠玻璃明虾球大良野鸡卷伴鲜蟹肉炒鲜奶日本吉品鲍扣柚皮菜远炒黄皮老虎班球脆皮妙龄乳鸽12只生炒腊味糯米饭养颜蛋白杏仁茶12位用$13800多谢加一服务费（请参考！多谢！）价格及𩠌菜都跟上次食𠮶席有好大差异，似乎经理误会咗XO仔为第二个客人，所以自己就送上存档之相片记录，要求重写菜
离聚餐日约两个星期前已收到「星月居」o既短讯，通知新店成功领有酒类牌照，自来酒品均会酌量收取开瓶费；细问下得悉普通750ml装红、白酒每樽收$200，明显自己并非VIP。
唔知系咪冬至将近o既关系，除咗六间厢房之外，今次大堂中央仲增设咗张大圆枱。楼面伙计全部都忙得团团转，认得小肥o既都好友善地上前打招呼，不过佢地o既同事中亦有几位黑面神，真系唔知几时得罪咗佢地啰！
因深知餐店只招待预先订座之顾客，及必先预设菜单，小弟就凭上次经理哥哥所派o既咭片以whatsapp与其通讯。经理哥哥第一次传黎供参考之「新张志庆菜单」如下：
顺德鱼蓉羹
翡翠玻璃明虾球
大良野鸡卷伴鲜蟹肉炒鲜奶
日本吉品鲍扣柚皮
菜远炒黄皮老虎班球
脆皮妙龄乳鸽12只
生炒腊味糯米饭
养颜蛋白杏仁茶
12位用$13800
多谢加一服务费
（请参考！多谢！）
价格及𩠌菜都跟上次食𠮶席有好大差异，似乎经理误会咗XO仔为第二个客人，所以自己就送上存档之相片记录，要求重写菜单。李经理都好客气地及好有效率地作出修改。经过几次微调，大食会晚聚之餐单最终如下：
花胶拆会蛇羹2窝
大良炒鲜奶
豉油王大虾11只
瑶柱扒豆苗
黄皮老虎班2味
菜远炒球
姜葱头腩
脆皮烧乳鸽6只
生炒糯米饭
红莲百合元肉糖水
11位用$5830
多谢加一服务费
由于几个星期前已于OpenRice度发表过评论，心谂唔会再写，所以都冇再刻意去影相，无奈越食越不对劲，大食会会友弹多过赞，仲强调细佬有必要向读者交代重临时，「星月居」如何失准；见佢地反应咁大，自己都真系好过意唔去，食到中途亦只好为食剩之𩠌菜拍返几幅大特写。成晚唯一能令席上一众长辈赞赏o既就系餐店舒适高雅o既环境及桌上精美o既碗碟。
第一味出场同上次一样系「花胶拆会蛇羹」，不过今次个羮就稀咗好多，而且唔系咁足料。哈，点知大家都未黎得切去品评蛇羮，个「黄皮老虎斑两味之莱远炒球」就已经上咗枱。老人家食鱼总爱衬热食，未饮完个羮就赶住要佢地食鱼，大家即抱怨地向服务生提出要𩠌菜慢啲上，佢亦好乐意地向厨房通传，不过见佢垂头丧气咁返出黎，似乎受咗唔少气。。。
老虎斑球食落第一口已觉其厚肉韧皮且唔鲜，席上o既隐世厨神随即道出当晚条黄皮老虎斑为「沙皮」，喺高级食肆根本冇可能攞俾客人食。埋单时见收银叔叔问到对晚餐是否满意，小肥就诚实地回答话长辈埋怨老虎斑「沙皮」，佢就毫无歉意地话「海鱼系咁架啦」，态度实难令人服气。
黄皮老虎斑两味之莱远炒球
103 浏览
1 赞好
0 留言
瑶柱扒豆苗
108 浏览
1 赞好
0 留言
「沙皮」老虎斑之姜葱头腩
176 浏览
3 赞好
0 留言
脆皮妙龄乳鸽
135 浏览
1 赞好
0 留言
张贴
