大丈夫食堂

营业中

休息中

旧舖有啲难揾，依家搬咗去元州商场对面一栋住宅大厦嘅楼上一楼，易揾好多。新舖面好大，座位增加咗好多，午餐时间唔洗等位即刻入，环境干净，灯光明亮，每枱都有私人空间，可以安心舒服倾计，又唔会听到隔离枱讲咩每一份定食都相当丰富，包咗主食、沙律、面豉汤、茶碗蒸。餐厅好贴心，每样item都可以拣份量或者沙律转食材。嗌咗炸猪扒定食同三文鱼腩定食。不过好多人都嗌炸猪扒，所以都等咗段时间。炸猪扒好大份，厨房炸嘢手势好，剩系望已经觉得正，炸猪扒干身唔油腻，面包糠炸皮劲脆，猪扒肉质鲜嫩，食完一啖接一啖。餐厅识do，提供旧柠檬仔俾你，吱啲柠檬汁上炸物度，一个人轻松ko成大块炸猪扒旧炸猪扒已经好大份，好彩嗌少饭，不过大胃王食得多都可以落order嗌增量白饭。朋友个三文鱼腩定食都相当高质，三文鱼腩冇拎三文鱼呃你，真系肉质肥美，食落有满满嘅鱼脂香，而且仲好多旧，比寿司饭份量仲多。总结今餐食得开心，物超所值