明閣 (鷹君中心)

因为要庆祝，而朋友对食物及环境的要求都好高，所以要揾一间环境同食物都有水准的中菜，立即就想到明阁，之前试过旺角果间，所以今次又试吓湾仔，睇吓2间明阁有何不同。餐厅环境阔落，灯光柔和充足，同旺角既感觉截然不同，我地人行6人安排坐系小房，同场仲有几枱，但枱与枱之间有充足距离，唔会听到隔离枱既对话，几好。今次较为出色的有以下：🔸酥炸焗酿鲜蟹盖 每次必点，入口啖啖蟹肉，又唔油腻，好正🔸花雕贵妃醉鹅肝 意外之喜，鹅肝软腍带有淡淡的花雕味，再加上旁边的青瓜，令食落无咁腻，令你想食多2旧。🔸极品蜜汁叉烧 果然是极品，此叉烧肥瘦适中，香甜蜜味，又有肉汁，好味。🔸明阁招牌炸子鸡 皮脆肉嫩，有鸡味，而且炸得干身，没有油淋淋，配上年藕片很好吃🔸龙虾汤蟹肉瑶柱干烧伊面相对普通，龙虾汤个味不明显，伊面唔系好吸到龙虾汤个味。