明閣 (鷹君中心)

因為要慶祝，而朋友對食物及環境的要求都好高，所以要搵一間環境同食物都有水準的中菜，立即就想到明閣，之前試過旺角果間，所以今次又試吓灣仔，睇吓2間明閣有何不同。餐廳環境闊落，燈光柔和充足，同旺角既感覺截然不同，我地人行6人安排坐係小房，同場仲有幾枱，但枱與枱之間有充足距離，唔會聽到隔離枱既對話，幾好。今次較為出色的有以下：🔸酥炸焗釀鮮蟹蓋 每次必點，入口啖啖蟹肉，又唔油膩，好正🔸花雕貴妃醉鵝肝 意外之喜，鵝肝軟腍帶有淡淡的花雕味，再加上旁邊的青瓜，令食落無咁膩，令你想食多2舊。🔸極品蜜汁叉燒 果然是極品，此叉燒肥瘦適中，香甜蜜味，又有肉汁，好味。🔸明閣招牌炸子雞 皮脆肉嫩，有雞味，而且炸得乾身，沒有油淋淋，配上年藕片很好吃🔸龍蝦湯蟹肉瑤柱乾燒伊麵相對普通，龍蝦湯個味不明顯，伊麵唔係好吸到龍蝦湯個味。