新泰東南亞餐廳 (興旺閣)

营业中

休息中

一年嚟咗呢度三次，每次都食得开心，水准稳定。今晚前菜系泰式柚子虾沙律。非常开胃，酸酸辣辣嘅味道加上新鲜柚子肉，带出一份清新。汤就拣咗大家都好钟意嘅椰青冬阴功。呢道菜叫过几次，椰味香浓，冬阴功嘅辣味都被平衡咗。上菜时，佢会用小蜡烛滚住汤，保持住热度，令味道更加突出。小食沙嗲串烧（鸡、猪、牛），比较普通嘅一道菜，肉有点干。我最喜欢嘅一道菜系面包焗咖喱软壳蟹。咖喱香浓，加上蛋花，口感更加软滑，软壳蟹炸得香脆，面包份量多，用来点咖喱真系满足啊！主食虾酱炒饭味道十分不错，令人惊喜嘅系炒饭里面加咗腊肠，炒饭同腊肠夹落一齐真系好好味。另外唔少得蔬菜。飞天通菜，味道非常惹味，但系有啲辣，要留意啊！如果你钟意椰汁，甜品可以试下佢哋嘅椰汁木薯。椰汁木薯甜品喺泰国都唔容易揾到，难得呢度有。呢度嘅椰汁好香，而且木薯煮得淋，可以考虑外卖一份。不过，要注意整体嚟讲，呢度侍应生好似都好忙，可能上菜要等耐啲。