黑門水產すいさん (棉登徑)

营业中

休息中

海胆蟹味噌甲罗烧($88)，这个甲罗烧加左鹌鹑蛋，所以烧熟后质感稀一d，食起上黎会滑一d，蟹膏味依家好浓烈，仲有蟹籽可增加口感。极上大渔贝烧($128)，用左几种海鲜放上扇贝黎烧，带子几爽口，而蚝就算烧熟之后缩左少少水，但仍然系好饱满肥美。蜜糖芥末火炙安格斯牛肉沙律($128)，用牛肉做沙律较少见，但配上酱汁之后确实好夹，甜甜辣辣既味道好醒胃。黑门令大渔鱼子酱脆脆包($98)，卖相好靓好似一架船运载住海产，前中后不同海鲜有不同层次口感，海胆非常滑溜。黑门令鳗鱼汉堡($88)，顶和底都有层鳗鱼，食落好有啖啖肉既感觉，而且中间夹住一片紫苏叶，有助去除一下油腻感，店家仲好细心谂到，用紫菜包住食，咁食既时候就冇咁易散晒。黑门三文鱼加州反卷($128)，加州反卷最重要系三文鱼要够新鲜，食落有鱼既油脂香。白桃雪葩($118)，不是每间居酒居都有提供雪葩，哩个甜品绝对不可错过，桃味浓郁，好似食紧真桃一样，而且够晒冰冻，夏天简直透心凉。