木兆小品 (啟田商場)

营业中

休息中

呢间嘢嘅前身系桃园，装修咗之后将一间野分成两间，一间就系木兆小品，另一间就系韩乐。以前我成日都会食两样嘢，就系通菜牛肉饭，同埋猪扒酸辣米线，个冻柠茶尤其出色，因为系鲜柠檬榨汁出黎。餐厅开返之后，已经试咗通菜牛肉饭，已经好难食！谂住今次俾多次机会食返佢个猪扒米线，已经等咗好耐先上，点不知放入口点解爽嘅，以为佢煮得唔够淋啦，谂住放多阵会淋啲，心谂都算数下次唔食，食多啖就想走，但系心谂真系冇可能会咁奇怪就问个阿姐，叫阿姐煮过俾我。结果个阿姐走入厨房隔咗一阵走返出嚟，佢同我讲话原来今日冇晒米线头先煮俾你𠮶个系意粉。我即刻劲嬲，佢走番出嚟系咪觉得我会欣然接受𠮶个系酸辣意粉就ok？大佬我平时都唔食意粉，如果你冇米线得意粉系咪都至少要出声，结果我劲嬲，佢先至话而家煮返个米线俾你！汤意粉都可能会食得落，但系酸辣意粉真系唔夹啰好冇！呢间野真系永不超生，我以后都唔会再食！