影片
更多
2021-12-04
963 浏览
今日下午3点行过，见湖南菜几特别，一于食个快饭试试佢。餐厅喺阁楼，行上楼梯时沿路摆满毛像，大概因为毛系湖南代表人物。上到上面，有个中年女伙记行出嚟，以为佢嚟带位，点知系同个客打牙骹，讲埋啲无谓嘢讲到唔停口，我就戆居居栋咗喺度，又即管睇吓你打到几时先醒水。成半分钟之后佢终于留意到我，问我咩事。咩事？上嚟踢馆咩唔通。我问佢系咪开门，回串番佢等我好过啲。之后佢叫我坐一张全个楼面最差嘅枱，明明大把枱，成间餐厅得两三枱客，使唔使咁？当下我自己拣另一张，问佢得唔得又话得。原来佢惯咗手势，之后有两枱客上嚟佢都系先质人坐𠮶张枱，有一对客转枱，佢又俾，另一枱就范，佢就当赢咗。我坐低之后佢继续打牙骹，打完一个又一个，完全忘记咗我存在。我又即管睇吓你几时醒水。过咗15分钟，佢先问我落咗单未。成间嘢得佢一个伙记，有冇落单都唔知？其实我怀疑佢系事头婆，就算唔系都应该系主管，咁冇诚意嘅老细都唔慌做得长。到佢拎饭嚟我问佢系咪有汤，因为餐牌写住有汤有嘢饮，佢话咁晏冇晒啦，吓？咁你又唔早讲？算。佢卖晒嘈都无谓，佢都变唔到出嚟。咁我问嘢饮呢？佢先叫我自己去雪柜攞罐装饮品。咁如果我唔问系咪就悭番？我叫咗个红烧肉，幸好味道都
餐厅喺阁楼，行上楼梯时沿路摆满毛像，大概因为毛系湖南代表人物。上到上面，有个中年女伙记行出嚟，以为佢嚟带位，点知系同个客打牙骹，讲埋啲无谓嘢讲到唔停口，我就戆居居栋咗喺度，又即管睇吓你打到几时先醒水。
成半分钟之后佢终于留意到我，问我咩事。咩事？上嚟踢馆咩唔通。我问佢系咪开门，回串番佢等我好过啲。之后佢叫我坐一张全个楼面最差嘅枱，明明大把枱，成间餐厅得两三枱客，使唔使咁？当下我自己拣另一张，问佢得唔得又话得。原来佢惯咗手势，之后有两枱客上嚟佢都系先质人坐𠮶张枱，有一对客转枱，佢又俾，另一枱就范，佢就当赢咗。
我坐低之后佢继续打牙骹，打完一个又一个，完全忘记咗我存在。我又即管睇吓你几时醒水。过咗15分钟，佢先问我落咗单未。成间嘢得佢一个伙记，有冇落单都唔知？其实我怀疑佢系事头婆，就算唔系都应该系主管，咁冇诚意嘅老细都唔慌做得长。
到佢拎饭嚟我问佢系咪有汤，因为餐牌写住有汤有嘢饮，佢话咁晏冇晒啦，吓？咁你又唔早讲？算。佢卖晒嘈都无谓，佢都变唔到出嚟。咁我问嘢饮呢？佢先叫我自己去雪柜攞罐装饮品。咁如果我唔问系咪就悭番？
我叫咗个红烧肉，幸好味道都唔错。
埋单$48，茶餐厅价钱，不过虽然系平饭，但要睇人面口，食完都背脊骨落，咪再搞我。
张贴
