紅樹林餐廳 (已結業)

寻晚同大人去新元朗中心百老汇睇<无极>, 攞完飞得返40分钟食饭, 冇得去食石岗咖喱, 唯有喺新元中入面食啦, 早日食过目黑寿司, 唔好食, 面臧又食过... 见百老汇隔篱有间西餐厅, 去试下先。坐落细心观察一下周围环境, 再望下个餐牌, 似乎唔会好好食㖞, 50几蚊有西冷扒, 牛柳, T骨扒? 应该好大机会系劲松肉粉味而又无肉味嘅扒, 稳阵啲叫只烧春鸡算咯, 呀大人就叫羊扒, 两个罗宋汤, 两杯冻柠茶丫唔该我: 点解啲好汤唔热唔冻嘅?大人: 你试下揸牛油丫, 啲牛油味好怪呀我: 唔制(净食餐饱)...... 原来啲饱本身啲甜味都怪怪地...咁我就饮番啖柠茶谂住"long"下口啦, 哗, 啲茶好苦又好甜呀! 兼柠檬有少少酸味得黎又无柠檬味, 如无意外, 系个水吧用劣质茶叶冲茶, 由于质素关系茶香好怏冲完, 剩番苦味, 个水吧死都唔换茶叶, 净系搏命落糖水想盖过茶嘅苦味, 但两者都太浓于是啲茶好苦得黎又好甜勒...烧春鸡系我咁大个仔食过最难食嘅, 虽然系外表好靓里面又熟晒, 但啲肉味就有好强劲嘅血腥味, 食咗丁dur就忍唔住停手放弃, 呀大人好劲, 食得晒佢啲羊扒,