辣蟹莊 (已搬遷) 新店位置

之前同事食过话啲粥好好味，今日farewell同事就去左食，我真系好期待，但估唔到。。。点心普普通通，鱿鱼须同九肚鱼好味，外脆内软无油"益"味，我主要想讲粥。叫左2个粥，一个蟹粥，一个鱼粥，都系$148，够3-4人食。蟹粥:有鲍片，虾，蟹。鲍片无味偏韧，虾完全唔新鲜，蟹唔方便食，无爆开个钳又无工具，完全食唔到入面啲肉。重点系个粥底，无蟹味都算，啲粥系用隔夜饭煲成粥，仲要一旧旧饭痴住，我真系好嬲，点解等左1.5hr嘅粥系咁，真系好难食。鱼粥:一个字，腥。啲粥又系用隔夜饭煲。俾$148，食啲咁嘅粥真系嬲。唔知系年尾多人去食定点，上菜劲慢，点心基本系5分钟先上一个，仲要一个一个咁上，13个点心用左1.5hr先上完。粥本身以为系生滚即煲所以耐都接受，点知系咁嘅粥永无下次。