影片
更多
2022-12-15
1166 浏览
疫情前，要去滚得栈打边炉，取消要提早一个礼拜订位，疫情后，佢哋生意真系差咗好多，希望佢哋可以挨得住。身为一个边炉精，去过全香港好多唔同嘅火锅店，有啲差啲，有啲唔错，唯独是滚得栈，我会不停咁样返去。佢嘅汤底，基本上平贵都好味，平如沙嗲汤底沙嗲味香浓，贵如椰子鸡煲或者花胶鸡煲，材料调味都做得啱啱好，汤头鲜美，基本上每次渌食物之前，起码都要饮两至三碗先至满足。呢度极力推介嘅有几样嘢，最贵嘅手切牛肉，当然系肥瘦适中，牛味浓郁，大家应该都识点。但系反而好平嘅牛眼筋，大部份人应该都唔会识得食，因为并唔常见。牛眼筋最少要渌15分钟先至可以食，同肥牛好唔同，渌得越耐越好食，佢嘅口味比一般肥牛香浓好多倍，咬落去谂得来又有𡁻头，实属爱牛者不二之选。珊瑚蚌同桂花蚌系钟意食蚌嘅老饕精选，出面好多火锅店嘅珊瑚蚌都系急冻，但系呢度嘅珊瑚蚌系非常新鲜，渌一阵就可以食，鲜美飞上，食过咁多次除咗一次争啲之外，次次都非常得。令外仲要介绍嘅系韭菜饺，唔知系咪自己包嘅，一样好食！呢度最令我唔钟意嘅系，每一次坐低，都有个阿姐一定会叫你点象拔蚌。而呢位阿姐同其他大部份嘅侍应一样，服务态度话佢非常一般都已经系俾高佢。呢间餐厅系得一
身为一个边炉精，去过全香港好多唔同嘅火锅店，有啲差啲，有啲唔错，唯独是滚得栈，我会不停咁样返去。佢嘅汤底，基本上平贵都好味，平如沙嗲汤底沙嗲味香浓，贵如椰子鸡煲或者花胶鸡煲，材料调味都做得啱啱好，汤头鲜美，基本上每次渌食物之前，起码都要饮两至三碗先至满足。
呢度极力推介嘅有几样嘢，最贵嘅手切牛肉，当然系肥瘦适中，牛味浓郁，大家应该都识点。但系反而好平嘅牛眼筋，大部份人应该都唔会识得食，因为并唔常见。牛眼筋最少要渌15分钟先至可以食，同肥牛好唔同，渌得越耐越好食，佢嘅口味比一般肥牛香浓好多倍，咬落去谂得来又有𡁻头，实属爱牛者不二之选。
珊瑚蚌同桂花蚌系钟意食蚌嘅老饕精选，出面好多火锅店嘅珊瑚蚌都系急冻，但系呢度嘅珊瑚蚌系非常新鲜，渌一阵就可以食，鲜美飞上，食过咁多次除咗一次争啲之外，次次都非常得。
令外仲要介绍嘅系韭菜饺，唔知系咪自己包嘅，一样好食！
呢度最令我唔钟意嘅系，每一次坐低，都有个阿姐一定会叫你点象拔蚌。而呢位阿姐同其他大部份嘅侍应一样，服务态度话佢非常一般都已经系俾高佢。呢间餐厅系得一个男侍应嘅服务态度认真一流。不过嚟呢度系为咗食嘢，佢嘅食物可以好到我对佢哋嘅服务态度只眼开只眼闭就算啦。
张贴
