Amina Modern European (已結業)

朋友幾年前黎食過，依然印象深刻，一聽到我話要求婚，就叫我記得book呢間餐廳，食飯前先去餐廳放低扎花，侍應非常細心問我有無其他安排需要幫忙👍🏻餐廳裝修一搬，一定不及五星級酒店，但氣氛不錯，有柔和背景音樂，燈光昏暗幾有情調🌹每碟食物都非常精緻，鍾意打卡既朋友十分適合，望落細細碟，但未去到主菜已經飽左😂當日點左兩個9course 套餐，一個海鮮為主，另一個牛肉為主，各有特色，當中有小小份子料理元素，睇得出廚師花左好多心機去處理💯上菜流程非常暢順，侍應專業地為每道菜講解，求婚過程餐廳亦都非常配合，最重要幫我地影左好多靚相，最後既甜品上亦都寫上祝福字句，總括而言食物、環境、服務絕對對得住價錢😌