江蘇銘悅

营业中

休息中

同客户倾完工作进度，已经晚上七点多，他请我哋去附近食晚饭，地址系上环干诺道中130-136号诚信大厦2楼，名字叫江苏铭悦。接待员安排我们坐在大厅，坐低之后观看四周环境，好有江南气色，优雅高贵，好舒服感觉。客户点了几个𩠌菜，倾咗一阵第一道菜开始来到，系古法樟茶鸭。起筷夹咗件鸭胸入口，皮香肉嫩好入味制作出色。令人不禁食多几件。金钩葱油开洋拌面材料有虾米等如金钩，葱段，酱油的味道又唔错。拌面比汤面更香更入味。我个人钟意食拌面多啲。原条松鼠菊花桂鱼球，卖相够吸睛，睇得岀师傅刀工好好。伴碟有球状哈密瓜和蕃茄、青瓜片垫底，条鱼仲出紧烟证明是啱啱炸起。鱼肉球外脆内软，金黄色嘅外皮，酥脆又香口，加上个甜酸汁，简直系绝配。非常好食。炸银丝卷炸得外皮有啲脆再加上炼奶超正。另外我都有食佢哋嘅怀旧爆汁生煎包，咬落去真系有爆汁嘅感觉！生煎包底香脆，包又松软，口感好丰富。再饮番几杯龙井茶，我感觉今晚的晚饭，环境又舒服，𩠌菜又丰富，味道又出色，我已经好满足，有空再来。