影片
更多
2023-08-04
132 浏览
大只仔今次觅食嘅店舖就系💥 江南 💥大只仔今次介绍一间超级抵食餐厅，呢个价钱喺中环区真系好平，而且仲要位处IFC国际金融中心。特色饮品30几蚊杯，仲要第二杯半价，平均只系廿几蚊一杯，前菜、点心饺子都系40几蚊起，就连主菜「香芒酥脆鱼柳」都唔使$100，而且份量大、最重要，服务好，座位阔落，坐得舒服，「江南」真系约朋友中环区食饭嘅首选。餐厅最近新推出夏日Menu，员工向大只仔介绍夏日Menu既菜式好啱炎热嘅夏天食，味道比较清爽、开胃、冰凉、唔会好油腻，大只仔就拣左几款夏日菜式：苹果丝拌蟹肉冷面、冰镇柚子渍白玉苦瓜、百香果汁拌香芒酥脆鱼柳。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服务 ⭐️⭐️⭐️⭐️⭐️环境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 餐前小食 $10 （另加一服务费）餐前小食系话梅汁腌制室温小青瓜，话梅汁味道香浓，小青瓜吸收晒话梅汁既甜酸味，味道好出色，酸酸地做餐前小食一流。👍👍🔥 茗茶 - 百合仙子 $20/位 （另加一服务费）整棵百合仙子放入茶壶内，用小火炉烘住，长期保持温度，员工话先焗5分钟后就可以饮用，百合仙子带有百
💥 江南 💥
大只仔今次介绍一间超级抵食餐厅，呢个价钱喺中环区真系好平，而且仲要位处IFC国际金融中心。
特色饮品30几蚊杯，仲要第二杯半价，平均只系廿几蚊一杯，前菜、点心饺子都系40几蚊起，就连主菜「香芒酥脆鱼柳」都唔使$100，而且份量大、最重要，服务好，座位阔落，坐得舒服，「江南」真系约朋友中环区食饭嘅首选。
餐厅最近新推出夏日Menu，员工向大只仔介绍夏日Menu既菜式好啱炎热嘅夏天食，味道比较清爽、开胃、冰凉、唔会好油腻，大只仔就拣左几款夏日菜式：苹果丝拌蟹肉冷面、冰镇柚子渍白玉苦瓜、百香果汁拌香芒酥脆鱼柳。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般/正常
1⭐️ 差
味道 ⭐️⭐️⭐️⭐️
抵食 ⭐️⭐️⭐️⭐️⭐️
服务 ⭐️⭐️⭐️⭐️⭐️
环境 ⭐️⭐️⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔥 餐前小食 $10 （另加一服务费）
餐前小食系话梅汁腌制室温小青瓜，话梅汁味道香浓，小青瓜吸收晒话梅汁既甜酸味，味道好出色，酸酸地做餐前小食一流。👍👍
🔥 茗茶 - 百合仙子 $20/位 （另加一服务费）
整棵百合仙子放入茶壶内，用小火炉烘住，长期保持温度，员工话先焗5分钟后就可以饮用，百合仙子带有百合花香，味道不错，花味不会太浓，好易入口。
茗茶 - 百合仙子
$20
10 浏览
0 赞好
0 留言
🔥 金网豚肉锅贴 $58 （另加一服务费）
卖相十分精致，将饺子底部煎得香脆后，再用脆浆制成三角形金网做装饰。
锅贴煎得好香脆，馅料用上新鲜猪肉，充满肉汁咬一啖流晒出嚟，调味亦做得好好，带微甜唔太咸，可以突出新鲜猪肉嘅肉香味。
金网豚肉锅贴
$58
9 浏览
0 赞好
0 留言
🔥 江南水晶素菜饺 $48 （另加一服务费）
用菠菜汁制成饺子皮，外皮烟靭，再系饺子皮上扫上金粉，十分讲究。
素菜饺内馅料全部都系蔬菜，材料好丰富有红萝卜茸、菠菜茸、笋茸等等，而且调味好，可以食得出新鲜蔬菜既鲜甜味，几好食。
江南水晶素菜饺
$48
8 浏览
0 赞好
0 留言
🔥 江南水晶肴肉 $78 （另加一服务费）
用高汤整成嘅水晶冻夹住一层肴肉，肴肉味道似咸牛肉，但不会太咸，而水晶冻味道少少甜，味道不错，完全冇油腻感，就算冇点镇江醋都好好食。
江南水晶肴肉
$78
7 浏览
0 赞好
0 留言
🔥 苹果丝拌蟹肉冷面 $88 （另加一服务费）
功夫菜式，先将花蟹拆肉，再将两只蟹钳去壳，啖啖蟹肉，冷面够晒冰凉加入日本胡麻酱拌匀再加上苹果丝，真系好岩夏天食用。
苹果丝拌蟹肉冷面
$88
3 浏览
0 赞好
0 留言
🔥 冰镇柚子渍白玉苦瓜 $68 （另加一服务费）
用上白玉苦瓜，唔会太苦，苦瓜够爽口浸满柚子糖水，味道甜甜酸酸苦苦地，加上冰镇，入口透心凉，夏天食真系好舒服。
🔥 火腿津白 $98 （另加一服务费）
津白浸系浓郁高汤之中，吸收晒高汤既精华，配上金华火腿丝一齐食，真系好美味。
冰镇柚子渍白玉苦瓜 + 火腿津白
3 浏览
0 赞好
0 留言
🔥香芒酥脆鱼柳 配 百香果汁 $128 （另加一服务费）
炸鱼柳炸得够香脆，鱼柳唔会干柴，仍然保持嫩滑，吉列鱼柳上铺满粒粒新鲜芒果肉、士多啤梨果肉干，再配上百香果汁，味道酸酸甜甜，真系好开胃，而且百香果汁酸酸地可以帮助解油腻，好岩夏天食用。
香芒酥脆鱼柳 配 百香果汁
$128
5 浏览
0 赞好
0 留言
🔥 粉红佳人 $58 （另加一服务费）
粉红佳人其实系红心番石榴甘露，做法似杨枝甘露，用红心番石榴代替芒果，先用红心番石榴打成糊状，再加入红心番石榴果粒、西柚肉，西米，雪冻做成甜品，番石榴味道超级香浓，钟意食番石榴嘅朋友一定好喜欢。
🔥 多瑙河荔枝爆珠梳打 $38 （另加一服务费）
卖相超级讨好，打卡一流，有2只黄色小鸭鸭系蓝色嘅多瑙河上畅泳。😂😂
黄色小鸭鸭系用橙汁制成嘅果冻。
蓝色多瑙河就系荔枝梳打。
再加上爆珠，饮品除咗卖相一流，味道都好好，值得推荐。
多瑙河荔枝爆珠梳打 + 粉红佳人
6 浏览
0 赞好
0 留言
餐厅而家做紧夏日特饮优惠，第二杯半价，除咗有「多瑙河荔枝爆珠梳打」，仲有「青苹果QQ椰果茉香绿茶」、「红柚多肉茉香绿茶」可选择。
温馨提示：
茶位 $20 / 4:30pm前 $15
前菜小食 $10
张贴
