尚夢・茳煳 (已結業)

约咗旧同事在湾仔聚旧，今次我哋都拣食中餐，就来到这间尚梦，茳煳。先叫了黑杞子茶，好快就摆上。之前未饮过。茶壶是透明，好快见到整壶茶就变成紫色。开始味道较清，之后变浓后味道几特别，黑杞子又系抗氧化，好有益。好耐冇汤饮，叫个正D的试吓：松茸炖螺头汤：上枱时仲用火 keep 住热，好细心。炖汤色水好清但意想不到好浓味，松茸及螺头味好出。😇😇香煎龙趸球 : 冇骨的鱼我最锺意。啖啖用，好有鱼味，煎得又香口，鱼肉弹牙，大大件，啱晒我。🥰陈皮榄角骨：虽然话系骨，但其实系啖啖肉。排骨外面平均地被榄角汁包住(都好耐冇食过这味道了)。外面的肉咬落去脆口，越食越想食。今晚唔想食饭就叫了：桂花咸鱼蓉炒米粉。米粉好干身又好柔软。每一啖都有蛋花和咸鱼肉碎令米粉好有咸香味。最后叫咗个甜品：黄金糯米糍。一口咬落去完全感觉到外皮非常非常薄，而D馅系奶黄加咸蛋蓉，口感非常幼细，黄金蓉塞满咗糯米糍，咸咸甜品，喜出望外。临走见到有下午茶，主题慢活，找日慢活一吓。