彩aya

营业中

休息中

唔系唔好食，不过有个致命伤加小缺点。特色沾面个面底系自己打，见到店头间咗个位被俾佢打面嘅，而面有三款口味，今次试过黑椒味，即系混咗黑椒入面底，出到嚟系未试过嘅。不过面粗身而且偏硬，食起上嚟唔算好好口感。致命伤沾面重点系汤要够热，因为当一浸啲冻面落去，个汤就会迅速降温，间间做沾面嘅店都要用唔同方法保住温度，当然都有好多店系由佢冷却，呢间系其中一间。不过，叫得致命伤就冇咁简单，佢地个汤系连第一啖都唔够热，接下来已经系完全唔使讲，就系等佢慢慢变冻。小缺点个楼面职员都几串，系个老人家黎，店内当时入座率只有五成，我嗌面个时唔知道可以拣唔同口味嘅面，佢讲咗我知有三个口味，我问佢有冇推介，佢燥燥地好大声咁重新读多次三个口味，言下之意即系叫你快啲拣，观感都有啲无礼貌。最后，提提大家，食完沾面记得叫佢加汤，你可以饮埋个汤先走。