小鍋米線 (水邊圍) (已結業)

只计元朗都有好多间同名既「小锅米线」，虽然唔知呢间到底出唔出名，经过就试下啦，呢度标榜个汤底系鸡同猪骨汤，店家好细心将外卖分汤上（加$2），睇相可以见到个汤底真系超足料，有少量木耳、芽菜同冬菇丝同埋鸡丝、再加上大量惹味既酸菜，每啖都食到好开胃既酸味，同多重口感，感觉好丰富。啲米线唔系即煮完即食，但都唔会太淋，虽然唔算弹牙，索哂啲汤好入味、都唔错👍🏻另外呢间舖头南乳鸡件好似好多人叫，我都叫左，的确几脆亦都入味，但真系好细件同埋骨多过肉。总括黎讲，汤底几特别，中意食酸既人应该会觉得唔错，个人就唔会话好食到好想再食，米线份量好大，$42仲连豆浆，几抵食，经过可以一试👍🏻