勁餃笑

营业中

休息中

食左几次都未介绍过添，呢间劲饺笑响黄埔站B出口转两个弯就到，餐厅有好多猫咪装饰，仲有个柜放满店主珍藏模型摆设。手机落单先拣选汤饺或煎饺，数量6只8只或者10只，饺子口味有8-9款（煎饺多一只口味），可以优惠价加配面食，小食，甜品及饮品。① 汤饺套餐（8只） $48黑松露猪肉饺并大叶鸡肉饺 +$6皮蛋酱拌面 （转冷面） +$25煎朱古力饺 （4只） $35② 煎饺套餐（6只） $40芝士辣鸡饺并韭菜猪肉饺 +$6花胶鸡丝汤面（转扁面） $35自家制辣菜圃每只饺子真材实料，够大只，够多馅，汤底仲系鸡汤底。今次食松露粟米猪肉饺好香松露味，大叶鸡肉饺就比较实。煎饺煎到金黄色，脆皮可口。皮蛋面系台湾食完返唔到转头，呢个皮蛋面唔够湿，但都好食；花胶鸡面汤底清甜，花胶都算大旧。朱古力饺系流心朱古力，几特别不过有少少腻，两个人Share，一人两只刚刚好。自家制辣菜圃大推！唔会切到好细粒，味道辣辣地好开胃。